Shillong, Naitung 11: Karynsan ban jied ia ki thei bhabriew ne ka Miss Meghalaya bad Miss Teen Meghalaya 2024 ka la khring ia kiba bun bah ki thei samla, ha kaba palat 40 ngut kila wan ban pyrshang ha karynsan ban jied ia kiba biang tam, kaba la long ha Hotel Vivanta Khyndailad.
Kalahduh jong ka Miss Meghalaya 2024 kan phong ia ka pansngiat ka Miss Universe Meghalaya bad kan ioh rung beit sak sha ka rynsan ia khun ka Miss Universe India 2024. Kat ba kaba wan baar bad balai kan mihkhmat ia ka jylla ha ka Miss Northeast 2024, ka ban long ha sor Itanagar, Arunachal Pradesh.
Ha ka juh kapor, ka laduh jong kanam Miss Teen Meghalaya 2024 kanioh rung beit sha ka jingiakop jong ka Miss Teen Diva 2025, kaban long ha sor Jaipur, Rajasthan.
Ka Miss Meghalaya Organisation (MMO) ka la pynthikna ba ki thei samla kiba jop, kin ioh ia ka rynsan kaba paka ban pynishuh iaka sap ka phong jong ki ha ka rynsan jong kari bad ha ki kyrdan bapher bapher.
Ka Miss Meghalaya ka dei ka rynsan kaba nyngkong ban plie lad ia ki thei samla ha kane ka jingiakop ban ioh ia shim bynta ha ka Miss Universe India. Ka jingiakhun kaba kut jong ka Miss Meghalaya bad Miss Teen Meghalaya 2024 kan long ha LARITI Multipurpose Hall ha ka 3 tarik Nailar 2024.
