Shillong, Naitung 16: Ka KSU West Khasi Hills district unit ha ryngkat ka jing iatreilang bad ka KSU Rambrai circle mynta ka sngi ka 16 tarik Naitung 2024 ka seng hapoh ka jingialam Jong u Samla wanbhakupar L Nonglait Organising secretary ka KSU WKHDU.
Ha kane ka jingleit khynra la dong lang bad kiwei ki dkhot ka seng ki la leit ban khynra iaki mynder ki ba wan trei ha kawei ka surok Jong ka NHIDCL kaba dei Ka surok Nongstoin – Rambrai – Kyrshai kaba la pyntrei ka da company Spica.
Ha kane ka jing leit khynra Ka Seng ka lah ioh ban bat haduh 26 ngut ki bar jylla ki ba pynkhein iaka interstate migrant and workmen act 1979 and amendment 2011 ka seng ka lah ioh bat ruh kumba 6 ngut ki mynder ki bym lah ban pynshisha ba ki dei ki nong India kumta ka seng kumba ka ju leh ka la shim iaka Rai ban phah leit noh ia ki namar kim biang kot biang sla.
Kine ki nongtrei bym biang kot biang sla ki don 26 ngut ki mynder sha ki jaka ba kiwan bad ka seng ka la ai ruh ka jingmaham iaki contractors baroh ka thain ba ki dei ban pynbiang iaka work permit haba ki wanrah nongtrei barjylla ha ka thain ka jongngi bad lada nang iai pynkhein ka seng kam banse ban shim da kiwei pat ki sienjam.
Ka kyrwoh na ka KSU West Khasi Hills district unit sha ka sorkar bad iaki department bapher bapher ba lada phim nang ban shim iaka kamram ba la bynshet haphi ka seng Kan leh iaka donkam ban shim iaka kamram nakabynta ban im ka Ri bad ka jaidbynriew.
Ka seng kan dang bteng ruh ban khynra iaki mynder ki ba wan trei beaiñ katba ka sorkar kam palat lah ban pyn urlong iaki jingdawa jongka seng iaka ILP bad ban pyntreikam noh mardor iaka MRSSA .
