Shillong, Naitung 18: Ka jingshna ban pynbha ia ka jingkieng Dam ha Umiam kala jan dep mynta bad kaba sah ka dei sha ki bynta ba shajrong ia kaba la siang dewbilat thymmai hajrong ka jingkieng ban iaid ki kali.
Ha ka juh ka por ka MeECL kala pyndait ruh ia ki CCTV Komera ha kane ka jingkieng ban lap ia ki kali kit palat pud kiba iaid na kane ka jingkieng, da ka jingdon ia kine ki CCTV komera la lah ban kem ia ki kali kiba la kit palat pud ka jingkhiang na kaba la buh.
Haba u SP News Agency u la poi sha katei ka jaka la iohi ba ki nongtrei ki dang pyndait ia ki CCTV Komera kiba la pynieng ha kane ka jingkieng kaba yn sa shah noh ia ki kali ba kin iaid kum juh juh long lait noh ia ki kali kiba kit khia palat la khang.
Haba ia dei bad kane ka MeECL kala dep ban pynkhreh ia kaba kinsa pyntip paidbah katno ki kali kila lah ban kit ban iaid na kane ka jingkieng bad katno kiba la khang ban nym iaid ia kane ka jingkieng dam kaba la sator mynta.
