Shillong, Naitung 18: Ka jingiakhih hapoh Bangaldesh kaba la neh mynta katto katne sngi hapdeng ki samla pule bad ki bor pulit jong ka sorkar Bangladesh kala warah ka jingshong syier ia ki samla kiba leit ban pule na kiwei ki ri sha ka thie ka Ri kaba don ha ka jingiakhih mynta.
Na ka liang jong ka sorkar Meghalaya kala peitngor bha da kaba ia kren bad ka ophis jong u High Commissioner ka ri Bangladesh bad kum juh bad u High Commissioner ka Ri India ba don ha Bangladesh ban pynthikna ba lada don ka jingeh lah ban iarap ia ki samla pule na kane ka jylla kiba don ha Bangladesh.
Na ka kad khaii na Dawki ka sorkar kala shim ia lat ki lynti baroh ban pynthikna ba ki samla pule na kane ka Ri India kin ioh ban wan phai khlem kano kano ka jingja pyrshah ia ki bad ba kin wan phai da ka jingsuk jingsain.
Katkum ka jingpyntip na ka sorkar Meghalaya ba ki samla pule kiba la wan phai lyngba ka Kad kahii dawki haduh ka ppor 6.45 baje mynmiet mynta baroh ki long 202 ngut, na kine 198 ngut dei ki samla pule, 67 ngut dei ki samla pule na Meghalaya, 101 ngut ki samla pule na Nepal, Bhutan 4 ngut bad kiba leit shangsuwari saw ngut.
Ban peit ia kane ka jingwan phai ki samla pule ka sorkar kala thung ia u bah Hiwot Rynbai MPS kum u ophisar ban iarap ia kiba wan phai bad u number phone +91 96157 16153 bad u ophisar jong ka Kad khaii ha Dawki u Thomas +91 84150 60802 kum u nongiarap bad la pyntrei kam ia u numbr phone ban iarap Helpline no 1800 345 3644.
