Shillong, Naitung 18: Mynta ka sngi u Chief Executive Member jong ka KHADC u bah Pyniaid Sing Syiem la iathuh ba na ka liang jong ka KHADC kala phah da ka jingthoh sha u Syiem jong ka Hima Sohra, Acting Sordar Majai bad sha u M.Bynnud nongkhot ia ki khun ki hajar ka Hima Sohra bala buh teng noh ia ka rai ha kaba ia dei bad ka Raid Majai.
Ha ka shithi kaba la soi da u Deputy Secretary ka Executive Committee ka KHADC la thoh ba, ha dien ba ka Executive Committee kala ioh shibun ki jingujor na ki kynhun bapher bapher haba ia dei bad ka jingai jingithuh ia ka Raid Majai kumba la pynmih ha ka jingpynbna ha ka 21/Jylliew/2024, ia kane ka rai la buh tengnoh.
Ban pynkynmaw ba kane karai jong ka KHADC ban pynim biang ia ka Raid Majai kaba la dep ban pynduh pyndam kala wan rah ia ka jingbitar na kiba bun balang jong ka Hima Sohra bad ki bymdei na ka Hima Sohra ruh kum juh.
Dei halor kane ka jingpyrshah jong ki paidbah bad ki kynhun bapher bapher ba ka KHADC mynta ka sngi kala phah da ka jingthoh sha u Syiem ka Hima Sohra ba ia ka rai bala pynmih ban ithuh ia ka Raid Majai la buh teng noh.
