Shillong, Nailar 02: U Myntri ba dei peit ia ka tnad shangsuwari u bah Paul Lyngdoh la iathuh ba ka sorkar kan pynlong ia ka jingialang kaba ar sngi kata ha sngi ba Ar bad sngi Balang ha kane ka taiew ban wan.
La ong ba un sa pyniaid ia kane ka jingialang ha ka ba plie ka bad ha ka sngi kaba ar u myntri rangbah ka jylla un ia don lang, kane ka jingiakynduh lang kin sa khot lang ia baroh kiba don bynta ha kaba pyniaid ia ka kam Shangsuwari ha kane ka jylla.
Kane ka jingialang la khot, naduh ki nongpyiaid ia ki kali, ki nongialam lynti bad ia ki trai ba buh ia ki hotel.Kane kan long ruh ia ki shnong ki thaw khamtam ia kito ki shnong kiba ki nongleit kai shangsuwari ki sngew tynnad ban leit.
Ban kdew ba naduh ba shah pynphai kali Tourist na Assam ha ki dkhot ka seng HNYF ia kaba ki pulit kila kem ia ki kala ktah bha ia ka leit ka wan jong ki nongwan jong ki nongwan shangsuwari sha kane ka jylla, dei na kane ba ka tnad jngohkai pyrthei ka khot ia katei ka jingialang.
Kumba ka long mynta ka jylla Meghalaya ka don ka jingduna ki kali Tourist kumba 3000 tylli tam ei ei, na ka liang jong ka sorkar ka dang peit ia kane ka bynta hynrei kaei kaba ka sorkar ka tip ka don ka jingduna ki kali tourist.
