Shillong, Nailar 03: U Lat jong ka jylla u C H Vijayashankar ha dien ba u la shim ia ka jingbym smai mynta ka sngi u la leit ban ia kynduh ia u myntri rangbah duh jong ka Ri India u Narendra Modi ha ophis trei kam jong u ha Nongbah Delhi kane ka jingiakynduh ka long kum ka jingburom.
Kane ka jingiakynduh ia u myntri rangbah duh jong ka Ri India ka long ha dien ba la kut ka jingialang kaba ar sngi jong ki Lat ka jylla ha Rashtrapati Bhavan kaba la khot da ka president jong ka Ri India ka Droupadi Murmu ha kaba la leit ban ia shim bynta.
Ha ka jingleit jong u Lat ka jylla sha nongbah Delhi tang ha dien shi sngi ba la dep ban bam smai u la ia kynduh ruh ia u myntri kam poh iing ka Ri India u Amit Shah ha ka sngi ba poi sha Delhi shuwa ban don kane ka jingialang ki Lat ka jylla.
Ha kane ka sngi kiwei ki lat jong ki jylla kiba la leit ban ia kynduh ia u myntri rangbah duh jong ka Ri India ha dien ka jingialng baka la long ha iing sah jong ka President ki long u Lat ka jylla Telangana u Jishnu Dev Varma, u Lat ka jylla Jharkhand u Santosh Gangwar, U Lat ka jylla Chhattisgarh, u Ramen Deka, u Lat ka jylla Sikkim u Om Prakash Mathur, bad u Lat kajylla Rajasthan u Haribhau Kisanrao Bagde
