Shillong, Nailar 08: Ka kynhun ba jop barim jong ka Indian Super League (ISL) league ka FC Goa, ka la kiew ha khlieh duh jong ka Group F ha ka IndianOil Durand Cup kaba 133, da ka jingjop kaba lai sien ïa ka Tribhuvan Army jong ka Nepal ia ka ba la ioh ban pynlong mynta ka jinmit ka 8 tarik u Nailar 2024 ha JN Stadium Shillong.
Ka jingjop jong ka FC Goa ka la shong ha ki kol ba la thep da u Lalthangliana bad u Sitroy Carvalho pyrshah ia ka Tribhuvan Army, kiba wat hapdeng ka jingïakhun pyrshah ha ka kylla miet kaba la pynlong ïa ki ban pynduna ïa ka jingïalehkai lyngba ka jingthep jong u Basant Jimba, hynrei kim shym la lah ban khanglad ïa ka jingshah rem kaba arsien pynbud.
Kane ka jingïalehkai mynta ka kynti la lah ban sakhie ia ka kol kaba sted tam ha kane ka lympung ïalehkai haduh mynta haba tang hadien ba la dep sdang, u Devendra Murgaokar u ba la iarap ia u Lalthangliana ban ioh ban thep ia ka kol.
ka jingialehkai ka la shongthait hynrei ym don kawei ruh ka liang kaba lah ban pynkhih ia ka jar ha duh ban da poi ka kylla miet.
Ka Tribhuvan Army ka la lah shisha ban thep ïa ka bol hapoh ka kol shisien, hynrei ïa ka kol la khanglad namar ka offside. Ka FC Goa ka la pynkhlain ar shah ia ka jingjop jong ka hadien ba la sdang biang ha kaba u Sitroy Carvalho u la ioh ka kabu ban thep ia ka kol.
Ka Tribhuvan Army kala sdang ban ïakhun biang da kaba thaw katto katne ki lad bad ki la ïoh ïa ka kabu ha kaba u Basant Jimba u la lah ban thep ia ka kol watla u la shah ker sawdong ha ki nongïalehkai ba shadien jong ka Goa.
