Shillong, Nailar 12: Mynta ka sngi u myntri rangbah ka jylla u Conrad K Sangma bad u Symbut Myntri rangbah u bah Prestone Tynsong ba dei ruh myntri kam poh iing ka jylla kila ia kynduh ia u myntri kam poh iing ka sorkar pdeng ha Delhi ban ia kren ia jinglong jingman ha Bangladesh.
Kane ka jingiakynduh ka long namar kaei kaba jia hapoh ka ri Bangladesh kumba ka long mynta kaba don hapdeng ka jingiakhih, ha kane ka jingiakynduh na ka liang jong u myntri rangbah u la batai ia u myntri kam phoh iing kari kaba jia.ha ka thie ka Ri.
Kumba ka long mynta ka don ka jingphara kaba khlain bha ha khppud da ki shipai BSF bad ki kynhun shipai, ha ka juh ka por ki pulit jong ka jylla ruh kila long kiba peitngor, la iathuh ia u myntri kam poh iing ka sorkar pdeng ruh ba la pynjari ia ka korphiew miet ha khappud bad ka Bangladesh.
Ha ka jingiakren bad u myntri kam poh iing ka sorkar pdeng la kyntu ba ym dei ban shah iano iano ruh ba kin rung sha shilliang u pud sha India namar kane ka kam ka long kaba hap ban shim khia haduh katta.
U myntri kam poh iing ka sorkar pdeng la ong ba ka sorkar pdeng ka tip ia kane ka jingjia bad la ong ba ka sorkar pdeng kan nym shah iano iano ruh ban wan rung na shilliang u pud sha India.
Ka sorkar pdeng kala shim ia baroh ki lat ki lynti ban pynthikna ba kannym don kano kano ka jingwan rung jong ki briew na shilliang u pud sha India, ha kane ka jingiakynduh la kyntu ia ka sorkar pdeng ban phah shuh ia ki briew ban pynkhlain ia ka jingpahara.
