Shillong, Nailar 14: U Myntri ka tnat jngohkai Bah Paul Lyngdoh mynta ka sngi ka 14 tarik u Nailar 2024 ula pynbna baka Sorkar Jylla Meghalaya kan iatreilang bad ka Sorkar Japan ban pynlong ia ka Cherry Blossom 2024.
Iakane ka tamasa na ka liang ka sorkar ka la rai ba kan pynlong ha ka 15 bad 16 tarik u November ia ka bay n pynlong ha madan kurkalang ka ba don ha Ribhoi District.
Ha ka jingiakren bad ki nongthoh khubor na ka liang u bah Paul Lyngdoh u la ong ba kane ka dei ka jingai jingmut kaba la ai da u Ambassador Japan sha India ha ka por ba u la wan jngoh ia ka nongbah Shillong ha u snem 2023.
U la ong ruh ba u nongmihkhmat jong ka Japan u la sngewtynnad bad itynnad ia ka jingiasyriem jong ki syntiew Cherry kiba thung hangne bad ki syntiew Cherry ha Japan bad kumta u la ai jingmut ba ka Japan ka dei ban long shibynta ha kane ka tamasa bad kane ka long kum ka jingiakylliang hapdeng ka Meghalaya bad ka Japan.
U bah Paul u la ong ruh ba kaba kham pher ka Cherry Blossom mynta u snem ka long ba ngin iatreilang ruh bad ka Sorkar Japan bad kan don ka jaka ba la buh kyrpang na ka bynta ka Sorkar Japan ban pyni ia ki kam bapher bapher jong ki ha ki bynta bapher bapher kaba ka ri ka la paw bha.
U Bah Paul ula pyntip ba nalor ka Cherry Blossom, ka tnat ka dang pynkhreh ia kiwei pat ki prokram bad ki tamasa na ka bynta ka Cherry Blossom 2024. U la ong ruh ba ka tnad ka don ruh ia ka jingthmu ban pynlong ia kane ka tamasa ha ki district bad ha ki kato katne tylli ki shnong.
