Shillong, Nailar 16: Mynta ka sngi u myntri rangbah ba rim ka jylla u Salseng C Marak u la khlad noh ha Tura Civil Hospital West Garo Hills District ha ka rta kaba 82 snem, u la long u MLA jong ka Resubelpara hynriew sien lynter na ka party INC.
U Salseng u la jop ia ka MLA elekshon na Resublepara ha u snem 1978 bad u la jop lynter haduh u snem 1998, u la shah jied ban long u myntri rangbah ka jylla ha u snem 1993 bad u la ong u myntri rangbah ba nyngkong ban neh san snem lynter ha ophis kata haduh u snem 1998.
Dei ha u snem 2003 ha duh u snem 2008 u la shah rem ha u kyrtong ka NCP u Timothy Shira, ha u snem u Salseng u la jop biang kum u MLA ha u snem 2013 bad ha u snem 2018 la rem biang ha u kytong ka NPP u Timothy Shira ba dei ruh u MLA ba mynta ba bat ia ka kam Deputy Speaker.
U Salseng kum u nongmih khmat na katei ka jaka u la jop baroh ki elekshon na ka Indian National Congress bad u la long u wei na ki nongialam ka Congress na kane ka thain shatei lam mih ngi ka Ri India ha kaba u la lah ban ialam ia ka sorkar khlehkhaw lang san snem lynter ha kane ka jylla Meghalaya bad ioh bat ia ka nam kum u myntri rangbah ba nyngkong ban neh ha ka shuki san snem lynter.
U Myntri Rangbah ka jylla u Conrad K Sangma u la pynpaw ia ka jingsngewsih kaba khlaw halor kane ka jingkhlad noh jong u we na ki riew rangbah ka jylla bad khamtam u nongialam na ki thain Garo Hills, ka jingkhlad ka dei ka jingduh kaba khraw ia ka jylla.
