Shillong, Nialar 16: Mynta ka miet ka General Secretary jong ka Meghalaya Pradesh Congress Committee (MPCC) kala beh seng ia ki ar ngut ki MLA jong ka party, u bah Gabriel Wahlang MLA jong ka Nongstoin bad bah Charles Marngar MLA jong ka Mawhati.
Ha ka shithi kaba la phah sha u bah Gabriel Wahlang MLA jong ka nongstoin, la ai daw ba ka jingbeh seng ia u ka long halor ki nongrim ba u la leh ia ki kam pyrshah seng , ia kane jingtip la ioh na ki nongtrei jong ka party bad ki bor bahalor jong ka party.
Kane ka jingbeh seng ka long halor ka kaiphot kaba la ai da ka BCC NOngstoin ia ka jingdon jingiadei ka jong u bad ka sorkar MDA, kane ka jingleh ka long pyrshah ia ka nongrim jong ka party kumta ka party kam banse ban shim ia kane ka rai ban pynshitom da kaba beh seng shipor.
Ka shithi kaba la phah sha u bah Charles Marngar MLA jong ka Mawhati ruh la thoh kum juh ba ka party kala ioh ia ka jingtip na ki BCC Mawhati ia ka jingia dei bad ka sorkar MDA kumba la pynshitom ruh ia u da kaba beh seng na ka bynta 6 snem ne haduh band a pyntip da kumwei. Ia ka shithi beh seng la soi da ka kong Wansuk Syiem General Secretary ka MPCC, mynta ka miet.
