Shillong, Nailar 20: Ka seng samla pule ka North Eastern Hills Students’ University Union kala pynlong ia ka jingthang mombati ban kyrshan ia ka doktor kaba shah leh beijit bad sha pyniap kaba la jia ha Kolkatta, ki samla pule palat 600 ngut ki dawa ba dei ban pynshitom ia ki nongleh kam sniew.
Ia kane ka jingthang mombati la pynlong ha khmat jong ka Central Library ha jan ka ophis jong ka NEHUSU, ha kaba kila ia shim bynta da ki samla pule bad ka jingdawa ka long ban kem bad pynshitom ia ki nongleh kam sniew katkum ka ain.
Kane ka jingthang mombati ka long ban ai ka jingkyrshan ia ka iing ka sem jong katba kaba la mat ia kane ka jingjia kaba sngewsih kthang, ha ka jingkren jong u president ka NEHUSU u samla Sandy Sohtun la ong ba ka ain kadei ban leh ia kaba don kam ban pynshitom ia kiba don kti ha kane ka kam sniew.
Kiwei kiba la kren ki long ka general secretary ka NEHUSU ka samla Eva Kordor Kharshandi, kala ong ba kane ka jingleh beijot bad pyniap ia ka briew kaba ai jingshakri ia ki paidbah ka long pyrshah ia ka long briew man briew.
Shuwa ban don ka jignthang mombati la kren pdiang sngewbha bad ai khublei ia kiba ia shim bynta la kren da u Vice President u samla Riki Deiburom Rabon palat 600 ngut kiba la wan ban ia shim bynta ha kane ka jingthang mombati.
