Shillong, Nailar 24: Ka jingialehkai kynjat ball ha ka Semi Phainal ha ka 133th Durand Cup 2024 kan long ha ka sngi nyngkong kata ka 26/Nailar/2024 kan long ha JN Stadium ha Polo ha pdeng ka Shillong Lajong FC bad ka Northeast United FC.
Ka jingdie ia ki tiket na ka bynta kane ka jingialehkai kala sdang mynta ka sngi da kaba die Online bad ha ki jaka kiba la buh ba ki briew kin thied ia ki tiket ban ioh leit ban leit peit ia katei ka jingialehkai kynjat ball ha kane ka nongbah Shillong.
Mynta ka sngi la iohi ba ki paidba kila ieng lain palat kynta ban thied ia ki tiket ha ki jaka bala buh kum ha Polo, Laitumkhrah, ki riew ieit photball kila ieng lain da ki bun spah ngut ha ki jaka die ia ki tiket, bad ha kine ki jaka la hap ban phara da ki pulit ban lait na kano ka jingklumar.
Kane ka jingialehkai 133th ka Durand Cup ha kane ka nongbah Shillong la long ka sien kaba nyngkong bad ka jingieit ki paidbah kane ka jylla Meghalaya ia ka jingialehkai kynjat ball bad kham tam ia ka Shillong Lajong FC kaba la paw bha ha ka Ri India ki da kyrshan met ba mysiem.
