Shillong, Nailar 24: Ha dien ba ki lai ngut ki MLA jong ka Congress ki la leit ban pyniasoh sha ka ka National People Party, u working President ka Meghalaya Pradesh Congress Committee (MPCC) u ba dei ruh u MDC jong ka KHADC U bah Pynshngain N Syiem u la ong ba haduh mynta ym shym la don satia kiba khot ia u ban leit ban pyniasnoh sha ka NPP.
Ha ka jingiakren bad ki nongthoh khubor na ka liang u bah PN Syiem u la ong ba kum ba long mynta kam long ban shu leh kulmar ne ban shu shim rai shongshit khlem da shim lang ia ka sur u paidbah.
U la ong ruh ba ha ka baiadei bad ka jingdawa ban pynhiar shuki ia u President na ka liang jong u la pynpaw ba ki sngew dei ban pynkhlain bha ia ka party.
U bah PN Syiem u la pynpaw ruh ba hadien ka jingmih noh jong kine ki 3 ngut ki MLA ki ba dei ki hymen ki para jong u, u da sngew kynjah hynrei um lah ban leh ei ei ia ka mon jong ki bad u la ong ba ki la da pyrkhat bha ha baroh ki liang.
U la ong ruh ba na ka liang ka party kan iai ban trei shitom ha baroh ki liang khnang ba kan ioh ia ka jingjop.
