Shillong, Nailar 25: Mynta ka sngi ki nonghikai jong ki ar tylli ki kynhun ialehkai Juan Pedro Benali jong ka Northeast Untied bad u nonghikai ka Shillong Lajong FC u Jose Hevia haba kren ha ki lat pathai khubor mynta ka sngi kila pynaw ba ka jingialehkan kan long kaba shong shit bha.
Baroh ar ngut kitei ki nonghikai kila kibur ia kawei ka phang kata ka long ban poi sha ka Semi Phainal ha kine ki jingialehkai kiba heh kum ka Durand Cup ka die ka jingialeh kaba la tbit shisha na baroh ar liang ki kynhun ialehkai.
U Nonghikai ka Shillong Lajong FC u Jose Hevia la ong ba kum ka kynhun ka long kaba la pynhreh bha bha na ka bynta kane ka jingialehkai bad kin pynthikna ba kin ioh ia ka jingjop nama ka dei ka sien kaba nyngkong ba kin poi sha ka Semi Phainal ha kane ka Durand Cup 2024.
Namar ka jingialehkai kan long ha Shillong kan long ka sngew shngian namar kin ki nongkyrshan ki don bun bad kum ka kynhun ruh kila pynkhreh bad kila peit ia ka jingialehkai kiwei ki kynhun ha kine ki jingialehkai kiba la dep.
U Juan Pedro Benali nonghikai jong ka Northeast United FC u la ong ba nama ki kynhun ialehkai ki dei na North East ki paidbah nongkyrshan kind on kata ka jingnoh mynsiem ruh namar u nongialam ka kynhun ialehkai dei na kane ka jylla bad u kyrmen ba kin don kiba kyrshan ia ka kynhun ialehkai.
La ong ba ha ki jingialehkai kiba heh kumne la ong ba ka jingialehkai ha la ka jong ka jylla kan don ar bynta lada ka kynhun na ialehkai bha kan ioh ia ka jingkyrshan hynrei lada kim ialehkai bha kin duh ia ka jingkyrshan, kata kaba juh jia, u la ba baroh ar tylli ki tem ki long kiba khlian katban poi sha ka Semi Phainal.
