New Delhi, August 25: Ka Kynhun Myntri jong ka Sorkar Pdeng ba la khlieh da u Myntri Rangbah duh Narendra Modi mynta ka sngi ka la mynjur ia ka jingbteng ia lai tylli ki skhim, ba la pyniasohlang sha kawei ka skhim jong ka sorkarpdeng ba la tip kum ka VigyanDhara’ jong ka Tnat Science and Technology (DST).
Ka Skhim ka donlai bynta ki bynta, Science and Technology (S&T) Institutional and Human Capacity Building, Research and Development bad Innovation, Technology Development and Deployment.
Ka jingthmuia ka jingmang tyngka ban pyntreikam ia ka skhim ‘VigyanDhara’ kalong T. 10,579.84 klur ha ka samoi jong ka 15th finance Commission naduh 2021-22 haduh 2025-26. Ka jingpyniasohlangia ki skhim sha kawei ka skhim kan kyntiew ia ka jinglah pyndonkam bha ia ka pisa bad wanrah ka jingryntih hapdeng ki sub skhim/ki prokram.
Ka jingthmu ba kongsan jong ka skhim ‘VigyanDhara’ kalong ban kyntiew ia ka jinglah treikam ka S&T kumjuh ruh ka kam wad bniah, ka jingsaindur thymmai bad ka jingkyntiew ia ka teknoloji ban pynkhlain ia ka jingdon jingem ha kaba iadei bad ka Science.
Ka teknoloji bad ka jingsaindur thymmai ha ka ri. Ka jingpyntreikam ia ka skhim kan pynkhlain ia ki jingdon jingem ba iadei bad ka S&T jong ka ri da kaba kyntiew ia ki R&D lab ba la bit la biang ki tiar ki tiar ha ki jaka pule.
Ka skhim ka thmu ban kyntiew ia ka jingwad bniah ha ki bynta kum ka jingwad bniah da kaba ioh bynta ruh ha ki kam ba heh hapdeng ki ri, ka jingwad bniah ha ka bording, ka um bad kiwei kiwei kaba iaineh bad ka jingiatrei lang ban wad bniah lyngba ka jingiatreilang bad kiwei kiwei ki ri.
Kan iarap ruh ban pynbiang ia ki briew kiba la tbit ha ka kam ban pynkhlain ia ka kam science bad teknoloji bad pyniar ia ki kam wad bniah ha ka ri na ka bynta ka jingkyntiew ia ka jingdon ki nongwadbniah Full-Time Equivalent (FTE) Yn phaikhmat sha ki kam ban kyntiew ia ka jingiashim bynta ki kynthei ha ka Science and Technology (S&T) da ka jingthmuban wanrah ka jingryntih hapdeng kynthei bad shynrang ha ka Science, Technology and Innovation (STI).
Ka skhim kan pynkhlain ia ki sienjam jong ka sorkar ban kyntiew ia ki jingsaindur thymmai ha baroh ki kyrdan, da kaba sdang naduh na skul haduh ka jingpule ba kham shalor, bad na ka bynta ki karkhana bad ki startup lyngba ki sienjam ba kyrpang. Yn ai ka jingkyrshan ban kyntiew ia ka jingiatreilang hapdeng ki nongai jinghikai, ka sorkar bad kumjuh ruh ki karkhana.
Baroh ki prokram ba la tyrwa hapoh ka skhim ‘VigyanDhara’ kaniahap bad ki thong ba 5 snem jong ka DST ban pynurlong ia ka thong na ka bynta ka Viksit Bharat 2047.
Ka bynta jong ka jingwad bniah jong ka skhim kaniahap bad ka Anusandhan National Research Foundation (ANRF). Ka jingpyntreikam ia ka skhim kan long katkum ki jinglong jingman ha ka pyrthei bad kan iahap bad ki kam ba kongsan ha ka ri.
Ka Tnat Science & Technology(DST) kalong kum ka tnat ba dei khmih ia ka jingpynlong, bad kyntiew ia ki kam ba iadei bad ka S&T ha ka ri. La pyntreikam ialai tylli ki skhim jong ka sorkarpdeng da ka DST ban kyntiew ia ka Science, Technology bad Innovation (STI) ha ka ri.
Kane ka kynthup ka (i) Science and Technology (S&T) Institutional and Human Capacity Building, (ii) Research and Development and (iii) Innovation, Technology Development and Deployment. Ia kine ki lai tylli ki skhim la pyniasoh lang sha kawei ka skhim ba la tip kum ka ‘VigyanDhara’.
