Shillong, Nialar 26: Ka jinglut baroh ha kaba ia dei bad ka jingpynlong ia ka 5th Meghalaya Games 2024 ha Tura ka long T.46,54,46,752/- tyngka ia kaba la pyniaid da ka tnad ialehkai ka sorkar jylla.
Ha ka mang tyngka jong u snem 2023-2024 la mang ia ka pisa ban pynlut na ka bynta kane ka jingialehkai ka long T.34,30,00,600/- tyngka na katei ka pisa kaba la mang dang pynlait tang T. 13,65,44,243/- tyngka.
Katba ka jinglut baroh na ka bynta ka 5th Meghalaya Games 2024 kaba la long ha Tura ka long T. 46,54,46,752/-, kumta ban siew pyndep ia ki jingsiew kiba ia dei bad katei ka jinglut u myntri ka tand ialehkai u la pan pisa shuh na ka iing dorbar sa T.32,89,02,509/- tyngka.
Namar ka jingmang pisa na ka bynta ka 5th Meghalaya Games kam duna ia kaba don kam kumta la pan pisa shuh na ka iing dorbar ban siew pyndep ia ki jingsiew ha kaba ia dei bad ka jinglut haba pynlong ia katei ka jingialehkai.
