Shillong, Nailar 30: Ki bus Shillong Public Transports Services (SPTS) kiba don ha ki jaka buh ba khlem pyndon kam ki don 66 tylli bad na kine 53 tylli ka sorkar kan die lilam noh.
Kiba sah 13 tylli yn ai sha ki Kolej bad ki skul kiba don habor jong ka sor Shillong, ban maramot ia kitei ki 13 tylli ki bus yn bei da ki Kolej bad ki skul kiba shim ban pyndon kam ia ki kali kumba la dep ban aiti.
Ka sorkar ka jingpynkhreh ban die lilam noh ia ki bus da kaba committee kaba la buh kyrpang kaba la tip kum ka “Auction Committee” kala dep ban shong ia ka jingialang bad kaba sah mynta ka long sa tang ban khot ia tender ia kaba ynsa khot noh shen.
Katba ia ki kali Red Maxi Cub kiba la duh ka ophis jong ka Shillong Municipal Board ka dang ap ban ioh ia ka jingbit na ka ophis jong u District Transport Officer, ynda la ioh ia ka kaiphot yn sa rah sha ka kommitee jong ka sorkar ban shim ia ka rai ban die lilam noh.
Ki Red Maxi Cab kiba la phah sha DTO ba kin pynpeit ban ai ia ka jingbuh dor kin don lai tylli ha ki jaka buh kiba ym long shuh kaba ia kine ki Red Maxi Cab la pyniaid ia ki da ka ophis jong ka Shillong Muncipal Board.
