Shillong, Nailur 02: Ki pulit jong ka Ri Bhoi District kila ioh ban kem ia ki saw ngut ki briew, lai ngut na Dimapur District bad u wei na Tuensang District jong ka jylla Nagaland kiba la shah kynnoh ba kila lute ia ka Umran Petrol Pump kaba don ha Niangbyrnai Ri Bhoi District.
Ki pulit jong ka Ri Bhoi District kila ioh ban kem ia kine ki briew ha ka 1/Nailur/2024, kiba la shah kem latip kyrteng kum u Bokavi Zhimomi 25 snem, u Pashen Lam 32 snem, bad u Rokonngulie Keppu 18 snem baroh ki dei na Dimapur District ka jylla Nagaland.
Ka jingkem jong ki pulit kitei ki lai ngut ka long katkum ka ejahar bala register bad ka Umsnong Police Station halor ka jingshah lute ka Umran Fuel ka Petrol Pump kaba don a Niangbyrnai ha Ri Bhoi District.
Ka jingshah lute kane ka Petrol Pump ka long ha ka 25/Nailar/2024 ha kaba ki nonglute kila ioh ban rah ka pisa kaba don T.4,24,614/- tyngka ha ka step jong katei ka sngi, ha ka jingkylli ki pulit kila kubor ba kila leh ia kane ka kam runar.
Na ka liang jong ki pulit kila pan por na ka ing bishar san sngi ban tohkit kine kiba la suba ba kila lute ia katei ka petrol pump, ia u wei pat u ba la shah kynnoh ba don kti lang ha kane lute na ka Tuensang District .
Ki pulit jong ka Ri Bhoi District kin wan lam ia kitei ki nonglute sha Meghalaya ban ialam ban tian bishar ia ki sha iing kashari bad la ioh ruh ban kurup ia ka kali Bolero kaba don ia u number NL07-CB-0156.
