Shillong, Nailur 02: U Prof Henry Lamih Secretary jong ka kynhun ki MLA barim ha ka jylla Meghalaya mynta ka sngi u la phah ia ka khubor sngewlem halor ka jingkhlad noh u MLA barim ka Mawsynram Konstitwensi u bah D. Plaslanding Iangjuh kum ka kynhun ka pynpaw ia ka jingsngewsih halor kane ka jingduh.
Ka kynhun ka pynpaw ruh ia ka jingsngewsuh kaba khraw halor jingkhlad noh u myntri rangbah barim ka jylla u Salseng C Marak, ka jingkhlad noh jong kine ki rangbah kalaka jingduh kaba khraw ia ka jylla ha ka sain pyrthei.
La pynkynmaw ba kine ki ar ngut kila kyntiew ia ka jylla ha kiba bun liang ha ka roi ka par bad kila ieh ruh ia ki dien jat jong ki ba ki long dien kin bud dien, kane ka long ruh ka jingduh kaba khraw ia ka kynhun jong ki MLA barim, ki duwai ba kin ioh ia ka jingsuk bneng.
Na ka liang jong ka ophis jong ka Meghalaya Legislative Assembly Secretariat, ka pynpaw ruh ia ka jingsngewsih halor ka jingkhlad noh jong ki ar ngut ki MLA kiba rim u Salseng C Marak myntri rangbah barim ka jylla bad u bah DP Iangjuh MLA, na ka liang ka ophis ka phah ia kane ka khubor sngewlem sha kiba ha iing ha sem bad ai u nongbuh nongthaw un ai ka jingjah thiat ha beng.
