Shillong, Nailur 08: Ki long kmie kiba leit siew ban tda na ka bynta ka iing ka sem kila sngew kyndit ban tip ba ha kine ki khyndiat sngi u la kidew dor sha ka T.70/- tyngka shikloi bad kane kala pynkyndit ia ki ba bun balang.
Haba u SP News Agency u la ioh ban ia kren bad ki nong die la iathuh ba ka don ka jingduna pyiat bad kane ka juh jia man ka por shuwa ban poi pyiat thymmai, kila ong bad u pyiat rim la jan lut.
Kiba leit iew leit hat ban siew ban tda la ong ba kane ka jingkiew dor jong u pyiat na ka T.50/- tyngka sha ka T.70/- tyngka ka long kaba la katto katne sngi bad ka jingkiew syndet ka long tang T.20/- tyngka shikilo, kane kala ktah shisha ia ki paidbah.
U pyiat dei u jaitmar ba baroh ki briew kiba kyndon kam ha ka shet ka tiew, naduh kiba rewspah tam sha kiba duk ruh kum juh bad kane ka jingkiedor kala buh shisha ia ki paidbah ha ka jingeh kaba khraw, namar ia u pyiat la pyndon kam da baroh ki paidbah.
