Pdiang ka kynhun myntri ia ki jingai jingmut ka HLC ban pynlong elekshon ha kajuh ka por

New Delhi, Nailur 18: Ka Kynhun Myntri ba la khlieh da u Myntri Rangbah duh Narendra Modi, ka la pdiang ia ki jingai jingmut jong ka High-Level Committee halor ka JingpynlongElekshon ha kajuh ka por hapoh ka jingpyniaid jong u President barim Ram NathKovind.

Ka JingpynlongElekshon ha Kajuh ka Por: Ki jingai jingmut jong ka high-level committee

1. La pynlong ia ki elekshon ha kajuh ka por hapdeng u snem 1951 bad 1967.
2. Law Commission: ka kaiphod ba 170 (1999): Kawei ka elekshon sha ka iing dorbar thawain LokSabha bad baroh ki iing dorbar thawain jong ki jylla ha ki san snem.
3. Ka kaiphod ba 79 (2015) jong ka Parliamentary Committee: ka ai jingmut ia ki rukom pynlong elekshon ha kajuh ka por ha ki ar bynta.
4. La khlieh ia ka High Level Committee da u Ram NathKovind bad la iamir jingmut ia ka bynta ba iar jong kito kiba don ha kane ka kam kynthup ki seng sain pyrthei bad ki riewshemphang.
5. Lah ban ioh ia ka kaiphod online ha ka: https://onoe.gov.in
6. Ka jingai jingmut ka pyni ba kadon ka jingkyrshan ban pynlong elekshon ha kajuh ka por ha ka ri.

Ki jingai jingmut bad ka lynti shakhmat

1. Pyntreikam ha ki ar bynta.
2. Ha ka bynta ba nyngkong: pynlong ia ki elekshon sha ka iing dorbar thawain LokSabha bad ha ki jylla ha kajuh ka por.
3. Ha ka bynta ba ar: Pynlong ia ki elekshon sha ki bor pyniaid shnong (panchayat bad ki municipal) hapoh 100 sngi jong ki elekshon ba heh.
4. Kawei ka electoral roll ia baroh ki elekshon.
5. Yn sdang ia ki jingiamir jingmut sani ha baroh kawei ka ri.
6. Ka jingthungia ka kynhun pyntreikam.