Shillong, Nailur 21: Ki pulit jong ka nongbah Shillong kila kem ar ngut ki briew kiba la tip kyrteng kum u Max Eric Syiemlieh 25 snem bad u Melvin Tongwah, 22 snem halor ka jingshah kynnoh ba ki don kti ban lute ia u wei u briew ha jan Little Blossom School ha ka 14/ Nailur /2024.
Ha ka kyrwoh kaba la phah na ki pulit la iathuh ba ha ka 18/9/2024 la ioh ia ka jingujor ha Sardar Police Station ba ha ka 14/9/2024 kila don ki briew kiba la wan da ki Scotty kila khieh ia ka pla pisa jong u wei u nongshong dukan ha ka por ba u la dep ban khang dukan.
U nongshong dukan u la ialeh pyrshah ia ki hynrei ki nonglute kila pyni da ki tiar pymynsaw, ha katei ka por ki ninglute kila plie ia ka pla ba rah bad kila lute ia ka pisa kaba la die baroh shisngi kaba don T.10,200/- tyngka.
Ki pulit kila register ejahar hapoh ki kyndon jong ki kam sniew bad ha jingtohkit la ioh ban kem ia ki ar ngut kiba la suba bad shah kynnoh ba ki don kti ha kane ka kam lute, na ka liang jong ki pulit ki dang tohkit pyrshah ia kitei kiba la shah kem.
