Shillong, Nailur 28: Mynta ka sngi ki samla kiba la ialeh iaka leh iaka eksam Nurse hapoh ka tnad ka koit ka khiah kila bitar ia ka jingbymbit bym biang ka result ia kaba la pynmih mynta ka sngi, ha kaba u juh number mih ar sien bad kum kine ki don ar tylli ki number.
U bah Lurstep Nongrum ha ka jingiadon lang ki samla kiba la ialeh ia ka eksamin nurse kila dawa na ka sorkar ba ka dei ban pynbeit ia kane ka jingbakla jong ka result ha shuwa ka jan miet jong ka sngi Nyngkong ban wan kata 30/Nailur/ 2024.
Haba kren ha ki lat pthai khubor ha Shillong Press Club mynta ka sngi la ong ba kaei kaba kwah ka long ba ka sorkar ka dei ban pynmih ia ki number bad ia ka mark kaba ki ioh, lada ioh zero ruh kin hun kane ka jingleh kala pynbitar ia ki samla kiba ialeh ia kane ka eksamin.
Ha kane ka result kam shym la kdew katno ki Khasi Jaintia bad katno ki Garo bad kiwei pat kano, katkum ka jinypynbna sorkar ki kam ba lait baroh ki long 164 tylli, na ka bynta ki Khasi 66 bad ia ki Garo 65 bad kiba sah ka dei na ka bynta kiwei pat, hynrei ha kane ka result ki khlem kdew.
Ka jingkwah jong ki ka long ba ki kwah ban tip katno ngut kiba apply, katno ngut kiba wan thoh ia ka eksam, katno ngut kiba pass bad kane ka buh ha ka jingeh namar kim tip, dei na kane ka daw ba ki dawa na ka sorkar ka dei ban pynbeit ia kane ha shuwa ka jan miet ka sngi nyngkong.
