Shillong, Nailur 28: Wat la ka sorkar kala dep ban phah ia ka jingthoh sha ka Airport Authority ka Ri India ban nym shah ia u Shankaracharya ba ka lieng suin jong u kan hiar ha Shillong Airport, Umroi u ban ialam ia ka Gau Dhwaj Sthapana Bharat Yatra kaba u thmu ban long ha Shillong ha ka 2/Risaw/2024, hynrei ki dkhot ka KSU kila ap ban nym shah ia u ban wan iuhkjat ha Meghalaya.
Ha kane ka sngi ki dkhot jong ka seng KSU bad kiwei kiwei ki seng bhalang kila leit sha Shillong Airport ha Umroi ha Ri Bhoi District ban ap ba lada wan kin nym shah ban mih bad dei ban leit phai beit na katei ka lad leingsuin.
Ha kane ka sngi u Superintendent ki Pulit jong ka Ri Bhoi District u la poi lang ha kane ka jaka ban ia kren bad ki dkhot jong ka seng KSU bad ha ka jingiakren la ong ba ki bor sorkar ruh kin nym shah bad u dei ban leit phai na katei ka jaka lada u hiar,
U tei u nongialam poi sha Guwahati ha kaba u la hiar ha kad lieng suin Guwahati bad na katei ka jaka u la leit sha Tripura hynrei ha Meghalaya ym shym la hiar, na Tripura la leit beit sha Guwahati, ki dkhot ka KSU bad kiwei ki seng ar sngi lynter kila leit ban ap ha katei ka jaka ban pynthikna ba um dei ban ioh iuhkjat ha Meghalaya.
