Shillong, Risaw 03: U Myntri Rangbah ka jylla u Conrad K Sangma, ha ka jingiadon lang u myntri kam bor ding u Abu Taher Mondal mynta ka sngi la plia ka sub Station 33/11 kv 2×2.5 MVA ha Rerapara ha South West Garo Hills District, ha kaba u MLA kane ka jaka u Subir Marak bad u Sanjay A Sangma kila don lang.
Ka jingshna ia kane ka sub sation la bei pisa da ka Asian Development Bank (ADB), kane ka long ban pynthikna ba ka jingpynpoi ia ka bor ding elektrik ha katei ka thain Damalgre bad ki shnogn ba marjan, ka jingtei ia kane ka sub station ka long ha ka jinglut kaba la kot sha ka T.6.19/-klur tyngka.
Ha ka jingkren u myntri rangbah la ong ba da ka jinglah ban plie ia kane ka sub station kan iarap ban pynbiang iaka bording eletrik ha kane kathian bad kan kyntiew ia ka ioh ka kot ha kaba kin sa mih ki karkhna kiba bun wat la kin long kiba rit.
Ha ka jingkren jong u myntri kam bor ding u Abu Taher Mondal la ong ba kane kan iarap ia ka MeECL ban pynbha ia ka jingpynpoi bor ding bad ha ka juh ka por ban pynbiang ia ka jingpynpoi bor ding bad kan kyntiew ruh ia ka jingmih ka MeECL.
Kane ka sub station kaba thymmai ka don ar tylli ki kor 2.5MVA ban sam bor ding ia ka Damalgre bad ki shnong ba mar jan bad kawei ka kamra ban peit bniah, kane ka sub station 33/11 KV ha Rerapara kan ai bor ding Damalgre, Melim, Dengnakpara, Okkapara, Grenggandi, Rongbakgre bad ka Gongglanggre jan Garobadha.
Ka 11 KV ka dei kaba wan na jngai bad kane kala pynlong ban lip light khah khah hynrei da ka jinglah ban plie ia kane ka sub station 33/11 KV kan iarap ban nym lip light shuh khah khah kumba juh long man ka por.
