Shillong, Risaw 03: Mynta ka sngi u bah Sanbor Shullai MLA jong ka 19-South Shillong u la plie paidbah ia ka madan ialehkai ki khynnah kaba don ha Jhalupara ia kaba la shna pynbha na ka skhim SUWP jong u snem 2024 ha ka jingleit kaba T.23/- Lak tyngka.
Kane ka jaka ialehkai ka dei ka jaka jong ka Arya Vidyalaya Secondary School, Jhalupara Shillong kaba la seng ia ka ha u snem 1934, ka jingshna pynbna ban don ruh ki jaka shnogn kan long ka jingkyrkhu ia ki khynnah skul ba kin ioh ban ialehkai.
Da ka jingpynbha ia kane ka madan ialehkai ka jingmyntoi ka long ia ki kynnah kiba pule ha kane ka skul, kiba sah ha katei ka thian, ki samla namar ia kane ka madan lah ban pyndon kam na ka bynta ki jingialehkai kiba bun jait kiba hap ha ki jaka kong ka Kantonment .
Ia kane la shna pynbha da ka jingia mynjur long ki bor ba dei peit ia kane ka skul bad ki bor pyniaid, ha kane ka sngi la don lang u Ramsevak Prasad Singh, Patron, Principal u S. K. Singh, Vice-Principal u A. K. Jha, Secretary , u Ravi Tiwari, u dkot jong ka MC.
Kiwei kiba la don lang ki long u B. B. Chettri, u P. B. Chokhani, ,u Bimal Bajaj, u Arvind Yadav, u Akash Sahni bad bun kiwei ki riew rangba bad ki khynnah skul kila don lang ha kane ka sngi, ia ka jingkren ai khublei la kren da u Ramsevak Prasad Singh.
