Shillong, Risaw 03: Ka Khasi Students Union (KSU) kala leit ban pynsngew markhamt sha ka Expert Committee ia ka jingai jingmut halor ka jingpynbeit thymmai pat ia ka Reservation Policy ha kaba kala ban jur ba ka State Reservation Policy ba thymmai ka Jylla ka dei ban mynjur ha kaban ai 50% ka bhah thungkam sha ki Khasi-Jaitnia, 40 % sha ki Garo, 5 % sha kiwei ki Scheduled Tribe bad 5 % sha ki ba khlem mang kyrpang.
Ha ka jingiakren bad ki nongthoh khubor na ka liang u President ka KSU U Bah Lambok Marngar u la ong ba ha ka jingiakren bad ka Expert Committee, ngi la ai jingmut ba lada iaid (jingai bhah) kat kum ka jingdon paid.
Ka KSU ka sngew ba ka jingsam bhah hapdeng ki Khasi bad ki Garo ka dei ban long 50% ia ki Khasi-Jaitnia bad 40% ia ki Garo, 5% ia kiwei ki ST bad 5% ia ki Enreserve. Bat ia ka jingkren jong nga, kam dei kyllum lang hynrei ka Unreserve ka mut ba plie lad ia baroh.
U la ong ruh ba Kawei pat ka jingsngew ka long ba lada kane (ka jingtyrwa) kam lah ban urlong, kumta ia ka (jingai bhah) dei ban long noh 90% kaba mang kyllum lang na ka bynta ki Khasi, Jaintia bad Garo, 5 % ia kiwei ki ST bad 5 % ki Unreserve. Kine ki dei ki artylli ki jingai jingmut ba ngi la buh hakhmat ka Committee.
Na ka liang u samla Donald THabah ula ai jingmut ba lada dei ban pynmih ia ka Reservation Policy ba thymmai, ka policy kam dei ban treikam naduh ki snem bala leit noh, kam dei ban long ka backlog, ka dei ban long beit kaba thymmai, ka dei ban sdang thymmai beit.
U la ong ba ka seng kala tyrwa ruh ban ai bhah beit ba mar 100 % ha ka thungkam ia ki Nonghikai jong ki skul Primary hapoh ka Jylla na ka bynta ki Khasi Jaintia ha Ri-lum Khasi Jaintia bad kumjuh ruh ia ki Garo ha Ri-lum Garo.
