Shillong, Risaw 04: U Bah Fredrick Roy Kharkongor Commissioner bad Secretry ka tand pynneh pynsah riti dustur ka sorkar Meghalaya la ong ba u Lat ka jylla u C.H Vijayahankar yn plie ia ka iew die kot kaba khyndai sngi lynter la shai ka sngi bad kan kut ha ka 15 Risaw 2024.
Haba kren ha kila pathai khubor mynta ka sngi ha Shillong Press Club, la ong ba ka long kaba don kam ban pule kot, bad ka jingpule ka iarap ha kiba bun ki liang ha ka jingtip jingsngewthuh bad ha kane ka iew die kot kin don bun jaid ki kot ha baroh ki liang.
La ong ba ha kine ki sngi katba ka jingdie kot ka dang iaid kan donruh ka jingia mit jongmut kaba kyrpang bad ki samla kane ka jylla ban pynsngewthuh ia ki ba kumno ban ia khun ia ki eksamin kiba dei jong ka UPSC kaba ki samla ka jylla ki hiar ban pass ia kane ka eksam.
U Yuraj Manlik Director ka NBTI, la ong ba ka por plie bad khang ia ka iew die kot ka sdang naduh ka por 11.00 baje mynstep haduh ka por 7.00 baje mynmiet, la ong ha kane ka iew die kat kaba ar ki nongdi ki wan na kylleng ka Ri India.
Haba jubab ia ki jingkylli la iathuh ba ka NBTI kala dep ban don ia ka Digital Library bad ia mynta ki dang don tang kumba 1000 tylli ki kot na ki 22 tylli ki ktien kiba la don ha ka khyrngit kaba phra ka riti synshar ka Ri India.
La ong ba ki dang don ka jingthmu ban pynbun shuh shuh ia ki kot ha ki ktien bapher bapher ha kane ka library bad ki don ruh ka jingpyrkhat ban pynrung iakk kot khasi ha kane ka digital library ka Rashtriya e-Pustakalaya bad ki kwah ban pynrung haduh 5000 tylli kot ia mynta bad kin dang pynbun shuh shuh.
