New Delhi, Risaw 04: Ha kine ki por mynta, ki briew ki ioh shibun ki jingphonethok, bad bun na kine ki wan na ki nombar mobile na India. Kine ki jingphone ki dei da kito kiba trei ha ki kam beain lyngba ki lad cyber nabarri. Kine ki briew ki pyndonkam ia ka Calling Line Identity (CLI) ban buhrieh ia ka jaka na kaba ki phone ia ki briew bad kane ka la ialam sha ki jingjia ba don ki jingbyrngem ban pynduh ia ki mobile nombar.
Ki jingkemthok lyngba ki lad digital bad ka jinglehmynleh ba dei ki ophisar Sorkar lane ki ophisar pyntreikam ia ka ain. Ki jingjia kiba dang shen ki iadei ruh bad ki jingkynnohthok ha kaba iadei bad ki kam drok, ki kam jingdih pynbuaid, ki kam die met bad kane ka la pynkhuslaibha ia ki paidbah.
Ban ialeh pyrshah ia kane ka jingma, ka tnad Telecommunications, ha ka jingiatreilang bad ki Telecom Service Provider (TSP), ka la wanrah ia ka sienjam kaba la saindur ban ithuh bad block ia ka jingwan kine ki jingphonenabar ri shuwa ba kin poi sha ki briew jong ka ri.
Ia kane ka kam yn pyntreikam ha ar tylli ki bynta, kaba nyngkong ha ka kyrdan jong ki TSP ban iada na ki jingphonethok hapdeng kito kiba pyndonkam ia ki network jong ki bad kaba ar ha ka kyrdan kaba pynsangeh ia ki jingphonethok na kiwei kiwei ki TSP.
Haduh mynta, baroh saw tylli ki TSP ki la pyntreikam ia kane. Kumba kawei na ki laipawa jong baroh ki jingphonethok kiba long kumba 4.5 million tylli ki jingphonethok ki dei kiba la pynsangehshuwa ba kin rung ha ka rynsan telecom jong ka India. Ka bynta kaba ar, kanpynduh ia ki jingphonethok kiba dang don ha baroh ki TSP bad kane ka dei ka ban pyntreikam shen.
Hynrei, ki nongthok ki bteng ban wanrah ia ki rukom thok ba thymmai ban thok ia ki paidbah. Ka tnad ka dang shim ia ki sienjam ban ai jingiada ia ki nongpyndonkam telecom katba dang ioh jingtip shaphang kine ki rukom treikam ba thymmai.
Ha kane ka juk jong ka jingkyllasted ka teknoloji, ka tnad ka la shim shibun ki sienjam khnang ba ki kam ka ioh ka kot lyngba ki lad telecom ki long kiba shngain. Hynrei, wat hapdeng kine ki jingiada, ki dang lah ban don ki jingjia ha kaba kine ki nongthok ki pynurlong ia ki jing thmu jong ki lyngba ki sienjam bapher bapher.
Haba don kum kine ki jingjia, ka tnad ka pynshlur ia ki briew ba kin ai jingtip shaphang ki jingpyrshang ban thok khnang ban iarap ia ka tnad ban lap bad iada na ka jingpyndonkam bakla ia ki jingai jingshakri telecom na ka bynta ki kam cyber beain, ki jingthok pisa.
Kane kan iarap ruh ban iada ia ki briew na ki kam beain ha kaba la leh mynleh ba dei ki briew na ka bor bad ka ain, bad kan plie lad ban shim ia ki sienjam pyrshah kine ki jait jingma.
Ki briew ki lah ban ai jingtip shaphang kine ki jaitpyrshangthok ha ka Chakshu kaba don ha ka rynsan Sanchar Saathi (https://sancharsaathi.gov.in/) da kaba ai jingtip shaphang kine ki jait shah phone, ki SMS bad ki Whatsapp message, ba kynthup ia ki screenshot, naei ki wan kine ki jingpyrshangthok, la pyrshang ban thokkumno, ka tarik bad ka por ba la ioh kine ki jaitpyrshangthok. Yn don ka jingpynshisha lyngba ka OTP.
Ka Chakshuka dei ka sienjam kaba heh ban iada ia ki briew na ki kam cyber beain. Da kaba pynbiang ia ka rukom treikam kaba iaidbeitiaidryntih ban ai jingtip shaphang kine ki kam beain, kane ka iarap ban lap dang kloi ia ki kam thok bad kane ka iada ia ki briew na ki jingduh kiba khraw
Shuh shuh, ka Sorkar ka la shim katto katne ki sienjam ban iada na ka jingpyndonkam bakla ia ki jingdon jingem telecom kiba kynthup: Ka tnad Telecommunications ka la sdang ia ka projek Digital Intelligence Unit (DIU) da ka jing thmu ban wanrah ia ki lad ki lynti ban tehlakam ia ka jingpyndonkambakla ia ki jingdon jingem telecom na ka bynta ki kam cyber beain bad ki jingthok pisa.
Ka tnad ka la wanrah ia ka rynsan Sanchar Saathi (www.sancharsaathi.gov.in) kaba ai ki jingshakri bapher bapher ban ai jingtip shaphang ki jingpyndonkambakla ia ki jingdon jingem telecom kiba long.
Ban ai jingtip shaphang ki jingpyrshangthok bad ki Unsolicited Commercial Communication (UCC); ban tip shaphang ki mobile connectionba la ai ha kanokano ka kyrteng bad ban ai jingtip shaphang ki mobile connection ki ban pynsangeh lada ym donkam lane ym pyndonkam shuh; ban ai jingtip shaphang ka jingshah tuh / jing jah ka mobile bad ban block bad wad ia ki; ban pynshisha ia ka mobile haba thied ia ka mobile ba thymmai/ba rim; ban ai jingtip jong ka jingioh phone nabar ri kaba don mobile nombar na India.
Ka tnad ka la sdang ia ka Digital Intelligence Platform (DIP) ban ai jingtip shaphang ka jingpyndonkambakla ia ki jingdon jingem telecom ban iada na ki kam cyber beain bad ki kam thok pisa.
Mynta ki dkhot ka tnad, baroh ki Telecom Service Provider (TSPs), ka tnad Kam Pohiing, 460 tylli ki bank bad ki kynhun kiba trei ha ki kam pisa, 33 tylli ki tnad pulit ha ki jylla bad UT, ki kynhun ka Sorkar Pdeng bad kiwei kiwei ki pyndonkam ia kane ka rynsan.
Kane ka rynsan, ka don jingtip shaphang ki nombar ba la pynsangeh ha ryngkat ki daw ba la pynsangeh kaba plie lad ia ka jingshim ia ki sienjam ba kynthup ia ka jingpynsangeh ia ki jingai jingshakri ba iasoh bad kine ki mobile nombar.
Ka tnad Telecommunications ka pyndonkam ia ki atiar AI bad ka la lap ia ki mobile connection ba la shim ha ka nongrim jong ki kot ki sla ba thok lane ka jingshim palat ki nombar ba la bhah ia ki briew. Ia kine ki mobile nombar bad ki jingai jingshakri ba iasoh bad ki ha ryngkat ki mobile handset ba pyndonkam na ka bynta ki kam beain dang weng na ka rynsan telecom.
Kineharum ki dei ki jingseisoh, haduh mynta jong ki sienjam ba la shim da ka tnad Telecommunications: Laweng noh 1.77 klur ki mobile ba la shim ha ka nongrim jong ki kot ki sla ba thok. La buh thong ban weng noh 33.48 lak ki mobile connection bad block 49,930 tylli ki mobile handset ba pyndonkam da ki riewsniew lyngba ki kam cyber ha ki jaka/ distrik ba kham bun ki kam cyber beain ha ka ri. 77.61lak tylli ki mobile connection kiba tam ia ka pud ba la buh ia ki briew ban don ki dei kiba la weng noh.
La block 2.29 lak tylli ki mobile phone ha kylleng ka India kiba la pyndonkam na ka bynta ki kam cyber beain ne ki kam thok pisa. Kumba 12.02 lak na ki 21.03 lak tylli ki mobile phone ba la shah tuh ki dei kiba la lap biang. La weng noh kumba 20,000 tylli ki kynhun, 32,000 tylli ki nongpyllait SMS bad 2 lak ki jait SMS kiba pyndonkam ban phah ia ki SMS da ki jingthmu ba sniew.
Lapynsangeh kumba 11 lak tylli ki account da ki bank bad ki payments wallet kiba iasoh bad ki mobile connection ba la weng noh namar ba la shim ha ka nongrim jong ki kot ki sla ba thok.
La pynsangeh kumba 11 lak tylli kiWhatsApp profile bad account da ka WhatsAppnamar kine ki iasoh bad ki nombar mobile ba la shim shim ha ka nongrim jong ki kot ki sla ba thok. 71,000 ngut ki Point of Sale (SIM Agent) ki dei kiba la blacklist. La ai 365 tylli ki FIR ha ki Jylla abd UT bapher bapher.
