Shillong, Risaw 07: Mynta ka sngi ki samla kiba la pass ia ka eksamin Nurse kaba la pynmih da ka tnad ka koit ka khiah kila dawa ba ka sorkar kan sdang ban thung kam noh ha ki kam kiba lait 164 tylli.
Haba kren ha ki lat pathai khubor mynta ka sngi ha Shillong Press Club, ha ka kyrteng jong kiba pass ia ka eksamin Nurse ka kong Unity S Marbaniang kala ong ba baroh kiba la pass dei kiba la trei shitom bad ki don kam ban ioh ia ka hok ka jong ki bad ka sorkar ka dei ban sdangnoh banthung kam ia ki.
U bah Edelfi Marbaniang la ong ba kane ka dei k sien kaba nyngkong ba ka tnad ka koit ka khiah kala pynmih ia ka result tang hapoh shibnai, ha u snem 2017 ia ka result la pynmih ha u snem 2019 bad iaka jong u snem 2021 la pynmih ha dien shisnem. Ha kitei ki eksam la pynmih tang iaki number jong kiba pass.
Ha kane ka kynti kaba mynta la pynmih ia baroh ki number jong kiba ialeh ia ka eksamin bad kila iohi number ia u kiba pass bad kiba khlem pass, na ka liang jong kiba pass ki dawa ba ka sorkar ka sdang noh ia ka jingthung kam ha ki 164 tylli kikam kiba lait kum ki Staff Nurse.
U Shemphang Wankhar haba jubab ia ki jigkylli la kren shai na ka liang jong ka Recruitment bad na ka ophis jong ka DHS kala pynshai ka kam don kum kata ba u ba khlem thoh eksam un pass, ka jingmih ar sien ki number dei ka jingbkla type ia kata kin nym kren kaba ki kwah ka long ba ka sorkar kan thung kamnoh ia kiba la pass.
