Shillong, Risaw 07: U General Secretary ka ABVP u Tengku N Marak ba dei jong ka jylla Meghalaya, kaba dei ka seng samla pule la ong ba kin pynlong ia ka jingialang bah kaba lai sngi ha nongbah Shillong mynta u bnai Risaw ka ban sdang ha ka 25 bad kan kut ha ka 27 tarik.
Haba kren ha ki lat pathai khubor ha Shillong Press Club la ong ba ka seng mynta kala don ia ki shnat trei kam jong ka ha ki skul, ki Kolej bad ki skul bah bad ha kane ki jingialan kaba kin iathir ka phang kaba ha khmat eh ka long iaka pule puthi bad ka ioh ka kot.
U Tengku u la ong ba ki samla pule kiban wan ia shim bynta kin long kumba 500 ngut ei ei ia kane ka jingialang yn pynlong ha Aurobindo Hall, la pyntip ruh ba ha kane ka jingialang kin pynthymmai ia ki nongkit kam ia u President Vice President, General Secretary bad kiwei ki nongkit kam.
La ong ba ha kane ka jingialang kaba lai sngi ka ABVP ha ka sngi kaba ar kin pynlong ia ka jingiaid paidbah ban pyni iala ki riam tynrai bad ha ka sngi kaba lai kin sa shim ruh ia ki rai kiba kum ka seng samla pule kin hap ban shim ia ka jingkitkhlieh.
La iathuh ba kum ka seng kila sdang ban pynrung kyrteng ia kaba la sdang naduh ka 19/Nailar/2024 bad kin pynkut ha katei ka sngi ba sdang ka jingialang kaba heh badkila buh ia ka thong la kumno kumno kin ioh ban pynrung kyrteng 22000 ngut ki samla pule.
