Shillong, Risaw 09: Mynta ka sngi ki pulit jong kane ka nongbah Shillong kiba dei na ka kynhun Anti Narcotic Task Force (ANTF) East Khasi Hills Shillong da ka jingiatreilang bad ki pulit Mawlai kila ioh ban kem ar ngut ki briew kiba don Guwahati ha Mawlai.
Ha dien bala ioh jingtip ba ki don ar ngut ki briew kiba wan na Guwahati ha kawei ka sumo bad ki pulit kiba la ap ktem ha Mawlai haba la poi ka kali kila bat bad kila bat ia ki ar ngut ki briew kiba la suba ba don drok.
Ki ar ngut ki briew kiba la ioh ban kem ki long, u Abdul Kukit 43 snem na Kamramganj, u Sawrupananda Mohanta 38 snem na Cachar baroh ar ngut na Assam, na kine ki ar ngut la ioh ban kurup san tylli ki song sabon bad u drok bala ioh ban kurup long 57.51 gram.
Na ki la ioh ban kurup saw tylli ki mobile phone, 1 pan kard, 1 EPIC kard, 2 tylliki ATM bad ka laisen niah kali, iaki la register iaka ejahar ha Mawlai Police Station, ka jingtohkit iaki ka dang iaid, kane ka jingioh kem ka long ba ki pulit kila trei shitom ban ia khun pyrshah ia u drok.
