Shillong, Risaw 11: Ki pulit jong ka nongbah Shillong kila khynra mynta ka sngi ia ka iew Polo ha kaba kila ioh ban kurup palat spah liter ka kyiad IMFL bad ka kyiad Pyrsi na kiwei ki bynta jong ka sor Shillong ha kane ka jingkhynra.
Kane ka jingkhynra kala long kham kyrpang eh ha Iew Polo kaba hap ha ka jingleit jong ka Sardar Police Station, ha kaba ki pulit kila ioh ban kurup 115 litter ka kyiad IMFL bad 161 liter ka ka bear.
Kane ka jingkhynra jong ki pulit ia ki jaka ba lajuh don ka jngdie kyiad beain ka long ban pynthikna ba kane ka jinglehkmen kaba dang iaid mynta kan long kaba iaid beit iaid ryntih ban lait na kino kino ki jinghuri huri khatam eh ha kane ka por.
Na ka liang jong ki bor ba dei peit ia ka District Administration ruh kila pynbna ia kane ka sngi kum ka sngi tyrkhong kyiad ha kaba baroh ki dukan kyiad IMFL ki dei ban khang h kane ka sngi bad ka jingkhyra ka long ban pynthikna ka kan nym don ka jingdie beain.
