Shillong, Risaw 12: Ka shnong Mawlai Mawiong ka dei kawei na ki shnong kaba don ha pdeng ka jingkyrduh um, jan baroh ki long iing ki hap ban thied um namar kam biang ka um kaba wan na ka tnad sam um ka jylla.
Ki nongshong shnong ka Mawiong kila dap da ka jingkmen ban ioh ba ka tnad sam um ka sorkar jylla kala shna ia ka top um ha rung jong ka Parsih Mawiong kaba la dep, hynrei haduh mynta kam i don dak ban poi um ha katei ka top um.
Katkum ka jingiathuh ki briew kiba shong ba sah ha Mawiong ki ong ba katei ka top um la shna ban pynpoi um sha ki iing ki sem na ka skhim um JJM hynrei haduh mynta la jan ar snem ym pat idak ba kan poi um ha katei ka top um, kiba bun ki buh ka jingkylli lano ka um kan poi um ha katei ka top um.
Kumba ka long mynta ka tyllong um kaba don ha Umshing kaba la shna ban ring um ia ka shnong Mawiong ki kor pump um bun kiba duk ban ia kaba pump um, mynta la bun bun bnai, katba ki pipe um kiba la buh ter tern na lad GS Road lynti rim sha Mawiong ki dang sah shah ha surok khlem pat iohi dak ban pyntrei.
