Shillong, Risaw 15: Ka Election Commission jong ka Ri India mynta ka sngi kala pynbna ban pynlong ia ka elekshon shiteng samoi ha ki 48 tylli ki Assembly Konstitwensi bad 2 tylli ki MP Konstitwensi ha ki 15 tylli ki jylla ha ka Ri India, ka kynthup lang ia ka 56-Gambegre ha Meghalaya.
Ka shuki MLA na ka 56-Gambegre (ST) Assembly Konstitwensi kala thylli na ka daw jong ka jingresign noh u Saleng A Sangma ha dien bala u la jop ia ka elekshon MP sha Lok Sabha na ka 2-Tura Lok Sabha konstitwensi.Ha ECI kala pynbna ba ka jingthep vote kan long ha ka 13/Naiwieng/2024.
Ka ECI kan pynmih ia ka jingpynbna ha ka 18/Risaw/2024 ha kaba ki kyrtong kila lah ban sdang thep kyrteng bad ka tarik ba khatduh ban thep kyrteng kan long ha ka 25/Risaw 2024 bad ka jingpeit bniah ia ki kot thep kyrteng kan long ha ka 28/Risaw/2024 bad ka sngi khatduh ban weng na ka jingiakhun kan long ha ka 30/Risaw/2024.
Ka sngi thep vote kan long ha ka 13/Naiwieng/2024 bad jingniew vote kan long h ka 23/Naiwieng/2024 bad ia ki kam ba ia dei bad ka elekshon dei ban pyndep ha ka 25/Naiwieng/2025.
