Shillong, Risaw 17: Ki shipai BSF kiba don ha khappud bad ka Bangladesh ha Jaintia Hills District kila ioh ban kurup haduh 980 bilor ka dawai Phensedly na Badarpur.
Ki shipai BSF mar ia ioh ia ka jingtip ba ki don ki briew kiba hiar sha Bangladesh ba kit jingkit kila pynlong noh ia ka jingkhang kdong ia ka lynti khlaw ha Badarpur bad ha kane ka jingkhang kdong la ioh ban bat ia ki song katba kibriew kila phet noh.
Haba la plie ia ki song la shem ba ki dei ki dawai jyrhoh kiba la thmu ban phah sha Bangladesh ha kane ka jingjia ki briew kiba kit ia kine ki dawai kila phet krad bad ki BSF kila ioh ban kurup ia ki dawai.
Ki shipai BSF na ka kynhun 172 Battalion kila aiti noh ia baroh 980 tylli ki bilor dawai Phensedly ha dien ba kila pyndep ia ki jingdon kam baroh, kila aiti noh sha ki Customs kiba don ha Badapur ban leh ia kaba don kam katkum ka ain.
