Shillong, Risaw 17: Ka Indian Red Cross Society ka shnat trei kam kaba don ha kine ki sngi kala leit sha Garo Hills ban lait ai jingiarap ia ki lanot kiba la shah ktah ha ka jingpynjulor ha ka mariang na ka daw jong ka jingjur palat u slap.
Kane ka jingleit ban ia jingiarap ka long ha kito ki jaka kiba la shah ktah ha ka mariang na ka daw jong ka jingshlei um ha kine ki taiew kiba la dep, ia kane ka kynhun la ialam da u General Secretary A N Sawian.
Ki jingiarap kiba la ai ki long kum ki mar bam khaw phan dai, ki khiew shet ki blanket bad kiwei kiwei ki jingdon kam kiban man ka sngi, kane ka jingiarap ka long ia kito ki long iing kiba la shah ktah palat ha ka jingpynjulor ka mariang ha ki jaka bapher bapher.
Kiwei ki dkhot jong ka seng kiba la leit lang ki long ka assistant general secretary kong M.G.R.Shabong bad saw ngut ki nongtrei ka seng Indian Red Cross, ia ki tiar ban ai sha ki lanot la aiti sha u J. Marak,Block Development Officer ka Chokpot jong ka ,South Garo Hills District.
