Shillong, Risaw 17: Mynta ka sngi u Director ka National Institute of Technology Meghalaya u Prof. Pinakeswar Mahanta, la ong ba ha u bnai Nohprah 2024 yn rah noh na Bijni Complex Laitumkhrah Shillong ka jaka ai jinghikai ba shipor sha ka jaka ba pura ha Saitsohpen, ha Sohra.
Haba kren ha ki lat pathai khubor mynta ka sngi ha Shillong Press Club u Director ka NITM u Prof. Pinakswar la ong ka ka jingtrei la dep 90% bad 10% kaba dang sah kan ym ktah ia ki jingai jinghikai ia ki samla pule la ong ba ki jingpule ki sdang ha u bnai Rymphang 2025.
Haba jubab ia ki jingkylli, la ong ba ka dei ka jingshisha ba ki ia kynduh ia ka jingeh bad ki nonghikai ban mih na ki jaka sor, kawei ka long ba ki nonghikai ki kwah ban don ki jaka ai jinghikai kiba biang ia ki khun bad ki jaka ai jingsumar, ka Sohra ka dang duna.
Haba ia dei bad ki nonghikai la ong ba ki ioh namar kam kane ka dei kaba la khot aplikoshon kylleng ka Ri India, hynrei ka jingeh ka long ba kim lah ban bar ia ki nonghikai lada ki kwah ban leit noh ynda ki ioh kam sha kiwei ki bynta jong k Ri.
Halor kane kila pyrshang ban pynioh iaki lat ki lynti ba kumno ban khring ia ki nonghikai ba kin neh ban hikai bad khmih lynti ba ki nonghikai kin pdiang ia ka jingtyrwa na ka liang jong kane kane jaka ai jinghikai.
La iathuh ba ia ka NITM la sdang ha Meghalaya ha u snem 2010 bad mynta kala iaid 14 snem lynter bad ha ka 19/Risaw 2024 kan pynlong ia ka jingai burom ia ki 193 ngut kiba la pyndep ia ki jingpule na kane ka jaka ai jinghikai, 140 ngu dei ki B.Tech, 9 ngut M.Tech, 23 ngut ki M.Sc bad 21 ngut kin dei ki PhD.
