Shillong, Risaw 18: Mynta ka sngi kala saphriang kawei ka Bideo ba ka kynhun nongap phahara ha shnong Wahiajer Narpuh ja jan ka jaka ba pynlong ia ka jingpynsngew paidbah haba ia dei bad ka jingkwah ka Meghatop Cement Ltd kan tei ia ka karkha dewbilat.
Ha kane ka Bideo kaba la sa phriang mynta ka sngi la iohi ba ki nongiarap ban ap pahara kila deng ia ki jingdeng ban pynshisha ba ki dei ki nongiarap bad kila rah da ki siej kiba la khet lyngkot ha ki kti jong ki.
Ha ka Bideo la iohi ba kala ka don ka jingiakren bad u wei u rangbah bad ki dkhot jong ki nongap pahara hynrei kam shym la poi shano shano ka jingiakren namar ba kim shym ia ki dkhot jong ki seng bhalang ban leit sha ka jaka bala buh ban pynlong ia ka jingpynsngew paidbah.
Na ka jingiakren kala paw bala bthah ba kin leit tang ar ngut na kawei kawei ka kynhun ia kaba kiwei pat kim shym la treh ban leit namar la ong ba kin leit tang ar ngut, hynrei kane kam dei shuh k jingkhot paidbah.
Ka jongdon jong ki nongap pahara ka long ba kam dei ban don kano kano ka hurihura bad u ba kren la ong ba lada bakla kem bad long bala kloi ban shah kem, la bthah ban shah tang ar ngut.
Kala sa phriang ruh kawei ka Bideo ba kala don ka jingiapatrong ha pdeng kin ar kynhun ha kane ka sngi ba pynlong ia ka jingpynsgnew paidbah haba ia dei bad ka Meghatop Cement Ltd ka Wahiajer Narpuh.
