Shillong, Risaw 19: Ki shipai BSF kila ioh ban kem ar ngut ki nong India na khappud bad ka Bangladesh bad ar tylli ki kali bala thep soh Apple ban phah sha Bangladesh da kaba ia khaii beain, ha jan Dawki ha East Khasi Hills District.
Ki Shipai BSF ha dien bakila ioh ia ka jingtip kaba biang ba don ar tylli ki kali kiba leit sha khappud bad ka Bangladesh bad kine ki kali kila kit ia ki song bala thep ban phah sha Bangladesh.
Ha kane ka jingap ktem ki BSF kila ioh ban bat kawei ka kali Alto bad kawei ka Maruti Van bad na kine ki ar tylli ki kali la ioh ban kurup 40 synduk ki song na lat Dawki –Lyngkhat ha lynti ban poi sha Pyrdiwah.
Haba la kylli ki nongniah ia kine ki kali kim shym la lah ban ai ka jubab kaba shai bad kim lah ban pyni ia ki kot ki sla kiba ia thied ia pet, namar bym lah ban ai ia ka jubab kiba shai la aiti noh ia kine ki ar ngut ki nong India ha ki Cumtoms ba don ha Pynursla.
