Shillong, Risaw 19: U bah Henry Manner u la ujor sha ki pulit ba ki khar Bangladesh kila kiew sha duh shnong Nongtalang ha West Jaintia Hills District bad kila lute ia ki kali kit mashun ha surok bah NH-06, kane kala jia ha ka 16/Risaw 2024 por 1.30 shiteng synia.
Kiba la shah lute ki long u bah Gliten Pale ba niah ia ka trok ML-04A-5216, u Nicky Phawa ba niah ia ka trok ML-04B-4109 bad u bah Edamon Pyrtuh ba don lang hapoh kali kane kala jia ha lat Darang jong ka shnong Nongtalang kila lute ia ki pisa bad ki mobile.
Kitei baroh lai ngut kila mynsaw bad la rah sha CHC Nongtalang ban ioh ia ka jingsumar bad u Edamon Pyrtuh namar ba la kham shitom na ka jingshah bom ha ki khar Bangladesh kiba don kumba 16 ngut ei ei la pynkit noh sha Civil Hospital Jowai ban ioh ia ka jingsumar.
Ha dien ba kila dep ban lute ia ki trok kila shoh ruh ia u Lahripa Lamin ba niah ia ka kali Maruti kaba don ia u number ML-05Z-5449 bad ha kane ka jngjia ki paidbah ka shnong Bakur bad ki pulit ha ka jingiabeh la ioh ban bat u wei u khar Bangladesh bala tip kyrteng Apsulmian Raju.
Ha katei ka juh ka sngi ha ka por 2 baje noh phai sngi ki khar Bangladesh kiba la rah da ki wait khukri kila lute lute iaki ar ngut nongniah bike bad niah ia ki bike sha Bangladesh na kan ka ktem ki shipai BSF ha Netri.
