Shillong, Risaw 22: Mynta ka sangi ki ar tylli ki kynhun shipai ban iada khappud, ki shipai BSF bad ki shipai Bangladesh Border Guard (BGB) kila pynlong ia ka jingialang “Commander-level border coordination meeting” ha BOP ha Mahenderganj in South West Garo Hills District.
Ha kane ka jingialang na ka liang jong ki shipai BSF la ialam da u Lalit Mohan Sharma, DIG, Sector HQ BSF Tura bad na ka liang jong ki BGB la ialam da u Sarkar Mohammd Mostafir, Deputy Director General, Sector Commander BGB, Mymensingh jong ka ri Bangladesh.
Ha kane ka jingialang la iakren ha kaba ia dei bad ki kam iada ha khappud hapdeng kine ki ar tylli ki ri bad kane ka jingiakren ba ka dei ban don ka jingiasngewthuh jingmut lang na ka bynta ka jingbit jinbgbiang ha pdeng kine ki ri.
Baroh ar liang ki kine ki kynhun shipai iada khappud kila pynpaw ia ka jing sngew tynnad ia kaei kaba la mih na ka jingialang hapdeng jong ki kine ki ar tylli ki ri bad kila ia mynjur ban pyntrei kam ia kaei kaba kila ia rai.
