Shillong, Risaw 23: Ka Deputy Commissioner jong ka East Khasi Hills District ka kong R M Kurbah kala pynmih ia ka jingpyntip paidbah ba kala don ka jingkyntur pud ha ka surok bah NH-40 kumta la bthah ia ki paidbah ba kin long kiba husiar.
Ka DC kala pynmih ia ka hukum ba baroh ki jingshna kiba long shipor haduh jong ka surok NH-40 dei ban pynpra noh mardor khlem da pynslem shuh lada ki hap haka jingthew ba kila wan shna tam pud.
Lada ka don ka jingiadie ia thied ia ki jaka haruh kane ka surok bah NH-40 ki nong die bad ki nongthied kin hap ban shim hi ia la ka jong ka jingkitkhlieh, kila dei ban wan jingtip bha.
La bthah ia ki rangbah shnong ba lada don ka jingdie ia thied ia ki jaka ha rud surok ki kim dei ban ai pata khlem da ioh ia ka syrnod bym don jingujor na ka tnad shna surok lada ka ia khap sbak ha surok bah.
La pynmih ia kane ka jingpynbna ban tip ki paidbah ba ioh ka jaka ka hap ha pud u sam ba ka PWD kala dep ban thied, la leh ia kane na ka bynta ka jingmyntoi ban ia tip lang baroh ki paidbah.
