Shillong, Risaw 25: Ar tylli ki shanat trei kam jong Ka Khasi Students’ Union (KSU) mynta ka sngi 24 tarik Risaw 2024 kata Ka KSU Mawlai Circle ba la ialam da u Samla Biangbor L. Paliar President KSU Mawlai Circle bad Samla Eddie Malngiang General Secretary KSU Mawlai Circle bad kiwei kiwei ki dkhot bad kiwei kiwei ki dkhot na ka Unit.
Ki nongialam ka KSU kila leit ia kynduh bad ai da ka jingthoh sha u Bah Brightstarwell Marbaniang u ba long MLA jong ka Mawlai constituency ban kyntu bad kyrpad na ka bynta ban phah maramot noh ha ka PWD(Roads) iaka surok ha shi lynter ka lynti naduh na jingkieng Mawlai Kynton Massar ter ter shaduh ka Gate 5 jong ka skulbah NEHU.
Na ka liang ki dkhot jong ka KSU Mawlai circle & NEHU unit ki la pynsngew ba ka jinglong jingman jong kane ka surok ka la jot rathai ha kaba la sakhi ha shilynter kaba buh jingma bad jingmynsaw ia ki nongshong shnong ba iaid ba ieng ha kine ki bynta; bad khamtam eh ia ki samla pule bad kiba nongtrei jong skulbah NEHU.
Dang ha ki bnai ba la dep ki la don shibun ki jingjia bad jingujor halor ka jingtyngkhuh kali bad ka jingshah tynrah kali jong kiba iaid ba ieng ha shilynter kane ka sruok bad la jia ruh ia ki samla pule jong ka skulbah, kane ka buh jingma shikatdei eh ba ka ktah ruh ia ka jingshngain jong kiba pyndonkam ia kane ka surok.
Ha kane ja jingiakynduh na ka liang u MLA u la kular hakhmat ki dkhot jong ka seng ba un shimkhia ban phah maramot noh mardor ia kane ka surok ha kine ki kyndiat sngi ki ban sa wan na ka bynta ka jingbit jingbiang jong ki samla pule bad baroh ki paidbah kiba ju pyn donkam ban iaid ban ieng lyngba kane ka surok.ia kane ka kyrwoh la pyllait da u samla Gary Mawlieh,publicity secretary Mawlai circle.
