Shillong, Risaw 26: Ha ka jingiatreilang ha pdeng ki shipai BSF bad ki pulit jong ka Ri Bhoi District kila ioh ban kem ia kisaw ngut ki khar Bangladesh kiba la wan phet na Sylhet ka Ri Bangladesh kiba la rung beain sha India.
Ki shipai BSF mar ia ioh ia ka jingtip kaba biang kila buh iaka talasi ia ki kali ha Byrnihat ha Ri Bhoi District bad ha ba kawei ka kali Tourist kaba don ia u number AS-01-GC-1071 ba niah da u Md Ali Hussain ba dei na Dhubri district Assam kila pynsangeh namar ka kit ia ki saw ngut ki khar Bangladesh.
Ki saw ngut ki khar Bangladesh kiba la ioh ban kem ki long Md Mintu 39 snem na Baroikhali jong ka District Barishal, Bangladesh, u Md Runel 31 snem na Gupchor Dhaka District Narayanganj, Bangladesh, u Johirul 29 snem na Gupchor Dhaka District Narayanganj Bangladesh bad u Md Bilal 37 snem na Kochbar District, Brahmanbaria Bangladesh.
Na kine ki briew la ioh ban kurup ia ki kot bala shan beain, lai tylli ki mobile phone,ia ka ejahar la register bad ka Nongpoh Police Station bad ka jingtohkit ia kine ki briew ka dang iaid ban lap shuh ia kiba don kti.
