New Delhi, Risaw 26: U Dr. L. Murugan, kongsan ha ka prokram ai khusnam National Learning Week 2024 bad ka jingplie paidbah ia ka iGOT lab bad learning centre, u la rakhe ia ka jingurlong ka KarmayogiSaptah.
U Sanjay Jaju, Secretary, Information and Broadcasting, ka NeerjaShekhar Special Secretary, ki ophisar jong ka tnad bad kito kiba la trei bha tam ki la iadon lang ha kane ka sngi.
KarmayogiSaptah – National Learning Week (NLW) ka dei ka sienjam ba la sdang da u Myntri Rangbah Duh jong ka ri India, Narendra Modi ban don ki ophisar kiba la khreh na ka bynta ka lawei bad kane ka taiew ka ban jur halor ka jingpynkhlain ia ki bor treikam jong ki ophisar ha baroh ki kyrdan khnang ban don ki nongtrei kiba don ka nongrim ha ki jingngeit tynrai jong ka India ha ryngkat ka rukom pyrkhat kaba phaikhmat sha ka pyrthei.
Ha kane ka sngi, u Dr. L. Murugan, Myntri Khynnah ka tnad Information and Broadcasting, u la kren shaphang ka jingdonkam jong kane ka sienjam ban kyntiew ia ki sap bad ka bor treikam jong palat 3 million ngut ki ophisar bad ka jingpynthikna ia ki lad ban bteng ia ka jingioh jingnang jingstad na ka bynta palat 22 million ngut ki ophisar ha ki jylla bad 5 million ngut ki ophisar Urban Local Body (ULB).
U la batai ruh kumno kane ka prokram ka dei kaba lah ban pyndonkam da kito kiba la pynskhem ha ka kam bad kito kiba trei shipor kaba wanrah ia ka lad ban ioh jingnang jingstad baroh shi jingim kiba iadei bad ki thong jong ka ri.
U Dr. L. Muruganu la ong ba ka tnad ka la pynlong lai tylli ki webinar halor ka jingpyndonkamia ka social media, ka jingkylla ha ka rukom peit phlim, bad ka jingkyntiew ia ka sap shondur.
Shuh shuh, baroh ki nongtrei ki la donkam ban pyndep kumnokumno saw kynta ka jingioh jinghikai ha ka rynsan iGOT Karmayogi, ha ki kam kiba iadei bad ki rukom treikam ki ophis, ka jingburomia ka jingiapher hapdeng ki shynrang bad kynthei, bad ka sap nongialam.
U la iaroh ruh ia ka rukom treikam ka tnad, ba kynthup ia ka jingsdang ia kaiGOT lab, kaba u la ong ba ka dei ka sienjam kaba bha na ka bynta ka jingbteng ka jingioh jingnang jingstad.
Dr. L. Muruganuba la pynkup burom ia uwei na kiba trei bha tam Katkum ka jing thmu jong u Myntri Rangbah Duh shaphang ka “Aspirational India”, u Dr. L. Muruganu la kyntu ia ka tnad ba kan pyndonkam ia ki lad AI ha ki jaka treikam ban kyntiew ia ka jingseisoh.
U Myntri u la kyntu ban don ka jingpdiang ia ki lad AI kum ka ChatGPT bad Gemini ban kyntiew ia ka jingseisoh bad pynduna ia ka jingban khia ka jinghap leh bun sien ia kajuh ka kam.
Lyngba ka jingshim ia ki rai na ka AI bad ka data, ki ophisar ki lah ban peit bniah ia ki kam ba kongsan ha ka jingai jingsynshar ka Sorkar, pynthikna ka jingpynbiang ia ki jingai jingshakri bad ka jingsaindur ha ki tnad jong ki, u la ong.
U la kyntu ruh ban peit bniah ia ki jingai jinghikai halor ka rukom iadei bad kiwei ban kyntiew ia ka jingai jingshakri ka Sorkar kaba peit shuwa ia ka bha ka miat jong ki paidbah bad u la ban jur halor ka jingkongsan jong ki lad pynbeit jingeh kiba sted khnang ban kyntiew ia ki jingai jingshakri.
