Shillong, Risaw 28: U Myntri Rangbah duh Narendra Modi un sam palat 51,000 tylli ki shithi thung kam sha ki samla ba dang rung kam thymmai ha ka 29 tarik Risaw, 2024, ha ka por 10:30 mynstep lyngba ka video conferencing. U Myntri Rangbah duh un ai jingkren ruh ha kane ka jingialang.
U Myntri Khynnah jong ka sorkarpdeng ba dei khmih ia ka Tnad External Affairs and Textile,Pabitra Margherita un iashim bynta ha ka RozgarMela ban long ha State Convention Centre, Shillong lashai ka sngi. Ka Tnad Posts, NE Circle, Shillong ka khmih bad pyniaid ia kane ka prokram ha nongbah Shillong.
Ka RozgarMela ka pyni ia ka jingkut jingmut u Myntri Rangbah duh ban peit bniah ia ka jingpynmih lad ioh kam. Kan pynkupboria ki samla lyngba ka jingplie ki lad ba bit ba biang ia ki ban nohsynniang sha ka jingtei ia ka ri.
Ia ka RozgarMela yn pynlong ha 40 tylli ki jaka ha kylleng ka ri, ha kaba ki samla ba dang rung kam thymmai ki iasoh bad ka sorkarpdeng ha ki Tnad treikam bapher bapher, kum ka Tnad Revenue, Tnad Higher Education, Tnad kam Pohiing, Tnad Kam Iada ri, Tnad ka koit ka khiah bad kiwei kiwei.
Ki samla ba dang rung kam thymmai ki ioh lad ruh ban hikai pyntbit ialade lyngba ka ‘KarmayogiPrarambh,’ ka online module ha ka rynsan iGOTKarmayogi. La pynbiang palat 1400 ki lad ioh jinghikai e-learning ka ban pyntbit ia ki samla ha ki kam jong ki bad ban trei ban tei ia ka Viksit Bharat.
