Shillong, Risaw 31: Ki pulit ka Westy Garo Hills District ha dien bala ioh ia ka jingtip ba ki don ki khar Bangladesh ba kin iaid na West Garo Hills District kila pynlong ia ka jingap ktem bad kila ioh kem 8 ngut kiba wan da ka kali.
Ki phra ngut kiba la shah kem, la tip kyrtengt kum u Bilal Hussain 31 snem, u Md Alongir Hussain 51 snem, u Md Sahin Hussain 19 snem, u Md Rimon 19 snem, ka Belli Bibi 30 snem bad lai ngut ki khynnah kiba dang rit ka rta.
Ia kine baroh la ioh ban kem na surok PWD ha Dalugaon ha West Garo Hills District, ha ka jingtohkit la phla ba kila rung beain sha India ha u bnai Jylliew 2020 na Lalgola Murshudabad ka jylla West Bengal.
La iathuh ba ki dang mut ban leit phai noh sha Bangladesh, kane ka jingwan jong ki ka long kaba khlem kot khlem sla, na ka liang jong ki pulit kila bad ia ki bad ka jingthohkit halor kane ka jingioh kem ia ki ka dang iaid.
